Psalms 60

1हे देवा, तू आम्हाला टाकून दिले आहे; तू आम्हाला फाडून खाली टाकले आहे; आमच्यावर रागावला आहेस;
तू आम्हांस पुन्हा पूर्वस्थितीवर आण.

2तू भूमी कंपित केली आहेस; तू ती फाडून वेगळी केली; तिचे खिंडार बरे कर,

कारण ती हादरत आहे.
3तू तुझ्या लोकांना कठीण गोष्टी दाखवल्या आहेत;
तू आम्हाला झिंगवण्यास लावणारा द्राक्षारस पाजला आहे.

4तुझा आदर करणाऱ्यास तू निशाण दिले आहे

यासाठी की, त्यांनी सत्याकरता तो उभारावा.
5ज्यांच्यावर तू प्रेम करतो त्यांची सुटका व्हावी,
म्हणून तुझ्या उजव्या हाताने आमची सुटका कर आणि आम्हाला उत्तर दे.

6देव आपल्या पवित्रेला अनुसरून म्हणाला, मी जल्लोष करीन;

मी शखेमाची वाटणी करीन आणि सुक्कोथाचे खोरे मोजून देईन.
7गिलाद माझा आहे आणि मनश्शे माझा आहे;
एफ्राईमही माझे शिरस्त्राण आहे;
यहूदा माझा राजदंड अाहे.

8मवाब माझे धुण्याचे पात्र आहे;

अदोमावर मी माझे पादत्राण फेकीन;
मी पलिष्ट्यामुळे विजयाने आरोळी मारीन.
9मला बळकट नगरात कोण नेईल?
मला अदोमात कोण नेईल?

10हे देवा, तू आम्हाला नाकारले नाही?

परंतु तू आमच्या सैन्याबरोबर लढाईत गेला नाहीस.
11तू आमच्या शत्रूविरूद्ध आम्हाला मदत कर,
कारण माणसाचे सहाय्य निष्फळ आहे.
आम्ही देवाच्या मदतीने विजयी होऊ;
तो आमच्या शत्रूला आपल्या पायाखाली तुडविल.
12